യക്ഷന്‍

ചെരിവില്‍
നിര്‍ത്തുമ്പോള്‍
ഹാന്‍ഡ് ബ്രേക്ക്
ഉധരിച്ച ലിംഗമാകും
കയ്യില്‍ വഴുക്കും

*റോളായിലെ
ആള്‍ ചതുരത്തില്‍
ആല്‍മരത്തിന്റെ
ആത്മാവിനു കാവലായി
നിസ്സംഗരായ പീരങ്കികള്‍


ഓരോ പീരങ്കിയും
ഒരോ ഉധരിച്ച ലിംഗം
ഈന്തപ്പഴക്കുരുവില്‍
വരണ്ട യോനി

വറുത്ത ചോളം
വാടിയ മുല്ലപ്പൂക്കളാണ്
വിരഹം
കൊറിച്ചു തീര്‍ക്കാനുള്ളതോ

സ്നേഹം ഇങ്ങനെയാണെന്ന്
അറിയുമ്പോഴേക്കും
ആകാശത്തിലേക്കു
ചുരുട്ടി എറിയപ്പെട്ടവനെ
മേഘസന്ദേശം
ശമിപ്പിക്കില്ല

പോരണോ
കണ്ണെഴുതിയ ആണ്‍

തപ്പിനോക്കേണ്ടാ
ഉഗ്രസര്‍പ്പത്തെ ഉണര്‍ത്തേണ്ടാ

കുഴലൂത്തുകാരന്റെ
പിന്‍പേ ഗമിക്കും എലി
ഉള്ളിലെ മാര്‍ജ്ജാരന്‍
അവര്‍തന്‍ കളിയാട്ടം ജീവിതം


രണ്ടു പേരിടുങ്ങും മുറിയില്‍
അരക്കെട്ടില്‍ നിന്നും കൊടും വിഷം
വലിച്ചെടുക്കുമ്പോള്‍
ഓര്‍മ്മയില്‍ വന്നില്ല നിന്‍ മുഖം

രാത്രി പതിഞ്ഞ ശബ്ദത്തില്‍
നീട്ടീ യക്ഷഗാനം