മകള്‍ പാഠം ഒന്ന്

poetry is an art of using shit and make you eat it
- ഷെനെ-

പോട്ടിയിലിരുന്ന്
അപ്പിയിട്ടു തിരിഞ്ഞുനോക്കി
വിളിച്ചുപറയും
അച്ഛാ അമ്മേ
ഇതാ തോക്ക്
ഇതാ പാമ്പ്
ഇതാ മിഠായി മണികള്‍
ഇതാ ഒട്ടകം
ഇതാ മാല
ഇതാ കിളി
ഇതാ സൈക്കിള്‍
ഓരോ ദിവസവും
ഓരോ കണ്ടു പിടുത്തങ്ങളാകും മകള്‍ക്ക്

പുറകോട്ടു തട്ടിക്കളഞ്ഞവ
ഉപേക്ഷിച്ചവ
മാറ്റിവെച്ചവ
പിന്തിരിഞ്ഞു നോക്കിയാലവയില്‍
കാണുമോ എന്തെങ്കിലും
എനിക്കുമാത്രമായി കാണാവുന്നത്
പിന്തിരിഞ്ഞുനോക്കലുകള്‍
രൂപങ്ങളാക്കുന്ന മാന്ത്രികത
മലം അമലമാകുന്നത്
കലചേരുമ്പോഴെന്ന്
അവള്‍ പഠിപ്പിച്ചുകൊണ്ടെയിരിക്കുന്നു

പാഠം ഒന്ന് മകള്‍