കുപ്പിവളകള്
അറിയാതെ പൊട്ടിച്ചതിനു
രണ്ടു മിട്ടായി
അധികം തിന്നതിന്
മീന് വറുത്തതിന്റെ
നടുക്കഷ്ണം
കൊടുക്കാത്തതിനു
ഭദ്രകാളി ചമഞ്ഞ്
ചൂലെടുത്ത്
വീടിനു ചുറ്റും ഓടിച്ചിട്ടുണ്ട്
നോട്ടു പുസ്തകം
കുത്തിവര കൊണ്ടു നിറച്ചിട്ടുണ്ട്
ഷര്ട്ടിന്റെ കീശകള്
വലിച്ചു കീറിയിട്ടുണ്ട്
ഇപ്പോള്
അയാള് എത്ര ശകാരിച്ചാലും
എത്ര തല്ലിയാലും
അവളെ തന്നെ കത്തിച്ചാലും
ഒന്നും മിണ്ടാതെ
മിഴി താഴ്ത്തി നില്ക്കുന്നതു
വളര്ന്നതു കൊണ്ടു മാത്രമോ
ഗ്രന്ഥപ്പുരയിലെ കണ്ണാടികൾ
1 month ago
3 comments:
:(
നല്ല ചോദ്യമാണ് അനൂപ്
kollam
Post a Comment