Monday, September 15, 2008

പെണ്‍ വശം

കുപ്പിവളകള്‍
അറിയാതെ പൊട്ടിച്ചതിനു
രണ്ടു മിട്ടായി
അധികം തിന്നതിന്
മീന്‍ വറുത്തതിന്റെ
നടുക്കഷ്ണം
കൊടുക്കാത്തതിനു

ഭദ്രകാളി ചമഞ്ഞ്
ചൂലെടുത്ത്
വീടിനു ചുറ്റും ഓടിച്ചിട്ടുണ്ട്
നോട്ടു പുസ്തകം
കുത്തിവര കൊണ്ടു നിറച്ചിട്ടുണ്ട്
ഷര്‍ട്ടിന്റെ കീശകള്‍
വലിച്ചു കീറിയിട്ടുണ്ട്

ഇപ്പോള്‍
അയാള്‍ എത്ര ശകാരിച്ചാലും
എത്ര തല്ലിയാലും
അവളെ തന്നെ കത്തിച്ചാ‍ലും
ഒന്നും മിണ്ടാതെ
മിഴി താഴ്ത്തി നില്‍ക്കുന്നതു
വളര്‍ന്നതു കൊണ്ടു മാത്രമോ




3 comments:

Anonymous said...

:(

Sreedevi said...

നല്ല ചോദ്യമാണ് അനൂപ്‌

Anonymous said...

kollam