കുളിമുറിയിലായിരിക്കും
മരണമെങ്കില്
ഉറക്കമുറിയിലെ
ഉടുപ്പിട്ട കിടപ്പിനേക്കാള്
എത്ര വ്യക്തവും സുതാര്യവുമായിരിക്കുമത്
മരണത്തിന്റേയും എന്റ്റേയും
തൊട്ടൂ തൊട്ടില്ല
എന്ന കളിയുടെ ഒടുക്കം
തെന്നിവീഴലുകളുടെ അവസാന താക്കീത്
നിലക്കാത്ത ഷവറിന്റെ സംഗീതത്തില്
കുറ്റിയിട്ട കുളിമുറി
മരണത്തിന്റെ തിയ്യേറ്ററാകും
പ്രേക്ഷകനും അഭിനേതാവും
ഒരാളാകുന്ന അപൂര്വ്വതയുടെ
അവസാന വേദി
അചേതനവസ്തുക്കള്
മംഗളഗാനം പാടിത്തുടങ്ങും
വാതിലിന്റെ വിടവിലൂടെ
പുറത്തേക്കൊഴുകുന്ന
ചോരകലര്ന്ന വെള്ളം
അറിയിക്കും
വാതില് കുത്തിപ്പൊളിക്കൂ
ഒറ്റനിമിഷം ദൈര്ഘ്യമുള്ള
ഒറ്റരംഗമുള്ള നാടകം തുടങ്ങുകയായി
കാണാന് വരൂ
എന്നതിന്റെ മണി മുഴക്കും
ജനിച്ചപടി തിരിച്ചുപോകുന്നതിന്നപ്പുറം
സുന്ദരമായ മടക്കമേത്
കുളിത്തൊട്ടിയില്
രക്തംകലര്ന്ന ജലത്തില്
മലര്ന്നുകിടക്കുന്നതിന്നപ്പുറം
ഏതു സമാധിയുണ്ട്
ധരിച്ചുവെച്ചതെല്ലാം ഊരിയെടുക്കുന്ന
കുളിമുറി
മറ്റൊരു ഗര്ഭപാത്രമാണ്
ഏകാന്തജലാവരണത്തില്
ഞാന് വളരുന്ന ഇടം
അതിനാല്
കുളിമുറിയിലെ മരണം
മറ്റൊരു പുതുജന്മം പോലെ
ഏറ്റവും ചോരനിറമാര്ന്നതായിരിക്കും
കിടപ്പുമുറിയേക്കാള്
എത്രയോ നിഷ്ക്കളങ്കം
ഗ്രന്ഥപ്പുരയിലെ കണ്ണാടികൾ
3 weeks ago
12 comments:
മതി.. എനിക്കു കുളിമുറിയിൾ തന്നെ മരിക്കണം..!
!!!
നല്ല കവിത.
പേടിപ്പെടുത്തുന്ന ഒരു തരം സുഖം. മരണം ഈ കവിത പോലെ ആസ്വാദ്യകരമാണോ?
കുറെ ദിവസത്തിന്റെ ശേഷം ഒരു നല്ല കവിത!
കുളിമുറി
മറ്റൊരു ഗര്ഭപാത്രമാണ്
ജലാവരണത്തില്
നഗ്നമായ ഏകാന്തതയില്
ഞാന് വളരുന്ന ഇടം
കുളിമുറിയിലെ മരണം
ഗര്ഭസ്ഥശിശുവിന്റെ മരണം പോലാണ്
good one!
ചോര കലര്ന്ന നിന്റെ വരികള്!!!
പകലാ... ഞാനും അങ്ങനെത്തന്നെ!
അനൂപ് നല്ല കവിതയ്ക്ക് നന്ദി...
നന്ദി
കോമ്രേഡ്സ്..
വായിച്ചു തീര്ന്ന് ഒരു രാത്രി കഴിഞ്ഞിട്ടും മരണം കൂടെയുണ്ടെന്ന് തോന്നിപ്പിക്കുന്നു.
ഭീകരം.
ആശംസകള്
വന്യമായിത് മോഹിപ്പിയ്ക്കുന്നു..
മോഹിപ്പിക്കുന്ന മരണത്തിന്റെ വരികള്
നന്നായി
Nannaayirikkunnu.
ഒരു നിമിഷം സുഹൃത്തേ,
നിങ്ങളൊക്കെ വല്യ ബൂലോക പുലികളല്ലേ?
താഴെ കൊടുത്തിരിക്കുന്ന എന്റെ പോസ്റ്റില് ഒരു പ്രതികരണം പ്രതീക്ഷിക്കുന്നു.നിങ്ങളുടെ ബ്ലോഗ് ഞാന് വായിച്ചില്ല, എങ്കില് കൂടി അര്ഹതപ്പെട്ട വിഷയമായതിനാലാണ് ഇങ്ങനെ ഒരു കമന്റ് ഇട്ടത്, ക്ഷമിക്കണം.ഇനി ആവര്ത്തിക്കില്ല, ദയവായി പോസ്റ്റ് നോക്കുക.
അമ്മ നഗ്നയല്ല
ഹോ! വല്ലാത്ത കവിത!
കുളിച്ചുവളര്ന്ന ഗര്ഭപാത്രം മുതല് എത്ര കുളിയിടങ്ങള്.. പുഴ കുളം..കടല് ...
മഴയും നല്ല കുളിമുറിയല്ലേ?
dear sir,
i still prefer the old onessssssss
Post a Comment