Thursday, October 22, 2009

ആള്‍വരപ്പുകള്‍ - അഞ്ച്

ഷാര്‍ജയിലെ ഗാന്ധി

ഞാനിവിടെത്തന്നെ കാണും
രണ്ടാമത്തെ ഇടതുതിരിഞ്ഞ്
കച്ഛറോഡിലൂടെ നേരെവന്ന്
വണ്ടികളുടെ അവയവങ്ങള്‍
മുറിച്ചുമാറ്റിവില്‍ക്കുന്ന
അറവുശാലക്കപ്പുറം
പുരാതന നീല മെര്‍സിഡസ്സ് ബെന്‍സിനെ ചുറ്റിപ്പറ്റി



നിങ്ങള്‍ ചിരിച്ചല്ലോ
എന്റെ പേരിലെ ഗാന്ധി കേട്ടപ്പോള്‍
ഒക്ടോബര്‍ രണ്ടിനു
പോര്‍ബന്ധറില്‍ ജനിച്ച
ഹിന്ദുകുട്ടികളെല്ലാം
ഗാന്ധിയായി മുണ്ഡനം ചെയ്യപ്പെട്ടു
എത്ര ഗാന്ധികള്‍ കൊള്ളക്കാരായി
പിമ്പുകളായി
ഹിന്ദുവാദികളായി
തെമ്മാടികളായി


നോക്കൂ
എന്റെ ശരീരം മദ്യക്കുപ്പികള്‍
അടക്കിവെച്ച അലമാരയാണ്
അരയില്‍ വെക്കുന്ന ഏതു കുപ്പിയും
കുഞ്ഞിനെപ്പോലെ പിടക്കും

അവര്‍
എത്രകുഞ്ഞുങ്ങളുടെ
കഴുത്തു ഞെരിച്ചു കാണണം
പിന്നെ തിരിച്ചു പോയിട്ടില്ല

നാടിപ്പോള്‍ ‍എളുപ്പത്തിലുടയാവുന്ന
വലിയ കുപ്പി പോലെ പൊടിപിടിച്ചു കിടക്കുന്നു
ബന്ധുക്കളായി ആരുമില്ലാത്തത് ഭാഗ്യമായി
അവര്‍ക്കായെങ്കിലും അവിടേക്ക് ‍
പോകേണ്ടിവരുമായിരുന്നു


നിങ്ങള്‍ക്കറിയാമോ
മദ്യത്തിന്റെ ചെറു ഗുദാമാണു ഞാനെങ്കിലും
തുള്ളിപോലും രുചിച്ചിട്ടില്ല
ആ ഓള്‍ഡ് കാസ്ക്ക് ഗാന്ധിത്തലയന്‍
ശാസിച്ചുകൊണ്ടേയിരിക്കും
വേദനിപ്പിക്കാതെ അടിക്കും
ഒറ്റജീവിതത്തിനു കൂട്ടാകും
പിന്നെയും എന്തൊക്കെയോ പറയും
ദാഹത്തോടെ‍ കേള്‍ക്കും
കേട്ടാലും ഇല്ലെങ്കിലും
പറഞ്ഞുപറഞ്ഞു
നിറച്ചുകൊണ്ടേയിരിക്കും

മദ്യത്തിന്റെ സിദ്ധൌഷധത്തില്‍
എത്രപേര്‍ രോഗവിമുക്തരായി!!
ചേര്‍ത്തോളൂ മൊബൈല്‍ ഫോണില്‍
ഡോക്ടര്‍ ഗാന്ധിയായി
ഓര്‍ക്കാനെളുപ്പം അതല്ലേ



(ഹരിതകത്തില്‍ തെളിഞ്ഞത്)

3 comments:

ദേവസേന said...

നിങ്ങള്‍ക്കറിയാമോ
മദ്യത്തിന്റെ ചെറു ഗുദാമാണു ഞാനെങ്കിലും
തുള്ളിപോലും രുചിച്ചിട്ടില്ല
ആ ഓള്‍ഡ് കാസ്ക്ക് തലയന്‍
ശാസിച്ചുകൊണ്ടേയിരിക്കും
വടികൊണ്ട്
വേദനിപ്പിക്കാതെ അടിക്കും
ഒറ്റജീവിതത്തിനു കൂട്ടാകും
പിന്നെയുംഎന്തൊക്കെയോ പറയും
ദാഹത്തോടെ‍ കേള്‍ക്കും
കേട്ടാലും ഇല്ലെങ്കിലും
പറഞ്ഞുപറഞ്ഞു
നിറച്ചുകൊണ്ടേയിരിക്കും..

എന്തൊരു പ്രലോഭനമാ ഇത്?
ഇഷ്ടായി.
നിന്നെയല്ല.
കവിതയെ.:)

shamnad said...

beauty of resisting the temptation ...!!!!

we have come across many lives who resist what they are good at and tempting others ... the greatest skill ever found..

nice vocabulary , lovely flaw , and phrases ...reflection of the current failure in our system..

well reflected.

shamnad said...

beauty of resisting the temptation ...!!!!

we have come across many lives who resist what they are good at and tempting others ... the greatest skill ever found..

nice vocabulary , lovely flaw , and phrases ...reflection of the current failure in our system..

well reflected.